Quant voi renverdir l'arbroie Gace Brulé (c. 1160 - a. 1213) uant voi renverdir l'arbroie, que li tens d'estey revient, d'une amor qui ne maistroie et en grant dolor me tient volentiers me complaindroie, quant il me sovient que je ne porroie müer ce qu'estre covient.   i covient qu'en Amors croie, qu'ele me garde et maintient; nonporquant sovent s'esfroie fins cuers qui tel fais soutient. Trop me desconforteroie, mais mout me retient mes duelx et ma joie, qu'en li va et de li vient. ele et bone, simple et sage, dame qui mon cuer avez, ne me tenez a folage ce que trop haut sui montez; se mi dui droit seignorage, Amors et Beautez, M'en font faire outrage, por Deu moi le pardonez.   mors ne quiert haut parage ne richece ne fiertez, mais se donne en fin corage et i met totes bontez. Ses douz espirs, par usaige de grace donnez, donte le sauvage, atempre les destemprez. mors veint par sa poissance toute riens, bien le savez: cuens ne dus ne rois de France ne nuns, tant soit hauz levez, n'est en si bone cheance ne tant honorez com cil, sanz dotance, qui bien aimme et est amez.   Douce amors, douce esperance, douce volentez, en vostre creance croi que je serai sauvez.

	Ritorna all'indice dei Trouvieres
	Ritorna all'indice di A l'entrada del tens clar
	Ritorna alla Home
	Vai al sitemap java
	Visita il settore Narrativa

This page was created by Duca Lucifero, © 1999-2005 The gothiquesque set is made by Moyra. The original gif of initcap Chiswich was made by Adam Stein.

Visitors: Accessi globali all'intero web dal 5 dicembre 1996

	Name: E-mail: Messaggio al Duca Lucifero

Spazio Web offerto da: