| |
Quant flors et glais
et verdure s'esloigne |
Gace Brulé
(c. 1160 - a. 1213) |
 | | | |
 | uant flors et glais et verdure s'esloigne,
que cil oisel n'osent un mot soner,
por la froidor chascuns dote et resoigne,
jusqu'au biau tens qu'il resuelent chanter,
lors chanterai, que ne puis oblier
la douce amor, dont Dieus joie me doigne,
car de li sont et muevent mi penser. |
|
| |  | oment qu'Amors joie me guerredoigne,
bien le me fet chierement comparer,
si comme cil qui delaie et porloigne,
et si me vuet a son plesir grever.
Je ne di pas qu'on puisse trop amer,
ne qu'ele ja mon cuer de li desjoigne,
qu'el a trové tel qui ne set fauser. |
|
 | os amerai, dame, comnent qu'il praigne,
si finement, et Deus m'en dont pouoir,
ne ja Amors n'ert tels qu'ele se faigne
de moi aidier, s'ele m'i puet valoir.
Tant me covient vostre plesir voloir,
qu'assez aim mieus que li merirs remaigne,
qu'aie de vos joie par decevoir. |
|
| |  | ou prie nus que li cuers ne se faigne
plus que li diz, ce seit on bien de voir;
si me merveil quant ma dame desdaigne
loial ami, qu'autre ne puet avoir.
Ainsi m'estuet morir en bon espoir,
que j'ai un cuer qui a amer m'ensaigne;
Dame, merci, ne puet plus remanoir. |
|
 | ien est resons ke longue atente creingne,
que c'est la riens qui plus m'avra grevé.
Quels costume quelz maus qu'en aviengne,
encontre Amor n'avroit nus poëste.
Por ce vos pri, belle dame, por Dé,
que de mes maus vos remembre et soviengne,
que sans merci ne puënt estre osté. |
|
| |  | n vos n'a rien, dame, qui descoviengne,
tant a en vos sens et pris et beauté
pour Deu vos pri que vostre cuers retiengne,
selonc vos biens, grant debonereté.
Assez vos aim plus que rien n'ai amé,
ne ja sanz vos grant joie ne me viegne:
s'el me venoit, ne l'en savroie gré. |
|
| | Fins amoros, en vos sont mi pensé
gardez qu'amors et joie vos maintiengne,
plus que les .ij. que tant ont demoré. |
|
|
 |
Ritorna all'indice dei Trouvieres |
|
|
Ritorna all'indice di A l'entrada del tens clar |
|
|
Ritorna alla Home |
|
|
Vai al sitemap java |
|
|
Visita il settore Narrativa |
|
|
This page was created by Duca Lucifero, © 1999-2005
The gothiquesque set is made by Moyra.
The original gif of initcap Chiswich was made by Adam Stein. |
|
Visitors:
Accessi globali
all'intero web
dal 5 dicembre 1996
|
Spazio Web offerto da:
|
