Title

Pois preyatz me, senhor
(Bernart de Ventadorn)
Pois preyatz me, senhor
qu'eu chan, eu chantarai,
e can cuit chantar, plor
a l'ora c'o essai.
Greu veiretz chantador
be chan si mal li vai.
Vai me doncs mal d'amor?
Anc melhs que no fetz mai.
E doncs, per que m'esmai?
 Gran ben e gran onor,
conosc que Deus me fai,
qu'eu am la belazor
et ilh me, qu'eu o sai.
Mas eu sui sai, alhor,
e no sai com l'estai.
So m'auci de dolor,
char ochaizo non ai
de soven venir lai.
Empero tan me plai
can de leis me sove
que quim crida nim brai
eu non au nula re.
Tan dousament me trai
la bel al cor de se
que tals ditz qu'eu sui sai
et o cuid et o cre
que de sos olhs nom ve.
 Amors, e quem farai?
Si guerrai ja ab te?
Ara cuit qu'en morrai
del dezirer quem ve
silh bela lai on jai
no maizis pres de se,
qu'eu la manei e bai
et estrenha vas me
so cors blanc, gras e le.
Ges d'amar nom recre
per mal ni per afan
e can Deus mi fai be,
non refut nil soan.
E can besno m'are,
sai be sofrir lo dan,
c'a las oras cove
c'om s'an entrelonhan
per melhs salhir enan.
 Bona domna, merce
del vostre fin aman.
Qu·eusplui per bona fe
c'anc re non amei tan.
Mas jonchas, ab col cle
vos m'autrei em coman.
E si locs s'es deve,
vos me fatz bel semblan,
que molt n'ai gran talan.
Mon Escuder e me
don Deus cor e talan
c'amdui n'anem truan.

Et el en men ab se
so don a plus talan,
et eu Mon Azimen.

Back Vida Next
barra
Sign Guestbook   Send Email   View Guestbook
barra
Ritorna all'indice dei Troubadours
Ritorna all'indice di
A l'entrada del tens clar
Ritorna alla Home
Vai al sitemap java
Visita il settore Narrativa
barra

This page was created by Duca Lucifero, © 1999-2005
The gothiquesque set is made by Moyra.
The initcap has derived from the freeware ttf Music Hall.

Logo Moyra Gothiquesque Set Logo Web Designer Duca Lucifero Give Credit Where Credit Is Due - 4.052 bytes
Don't Link Directly to Someone Else's Server - 5.605 bytes Thous Shalt Honor the Artists, Writers and Creatives of this World
  C'è chi può e chi non può...  
  What is Copyright - 4.781 bytes  

Visitors:
Accessi globali
all'intero web
dal 5 dicembre 1996

E-MAIL MESSENGER
Name:
E-mail:
Messaggio al Duca Lucifero


Spazio Web offerto da: