Bernart de Ventadorn: Pois preyatz me, senhor

Pois preyatz me, senhor
(Bernart de Ventadorn)

ois preyatz me, senhor
qu'eu chan, eu chantarai,
e can cuit chantar, plor
a l'ora c'o essai.
Greu veiretz chantador
be chan si mal li vai.
Vai me doncs mal d'amor?
Anc melhs que no fetz mai.
E doncs, per que m'esmai?

ran ben e gran onor,
conosc que Deus me fai,
qu'eu am la belazor
et ilh me, qu'eu o sai.
Mas eu sui sai, alhor,
e no sai com l'estai.
So m'auci de dolor,
char ochaizo non ai
de soven venir lai.

mpero tan me plai
can de leis me sove
que quim crida nim brai
eu non au nula re.
Tan dousament me trai
la bel al cor de se
que tals ditz qu'eu sui sai
et o cuid et o cre
que de sos olhs nom ve.

mors, e quem farai?
Si guerrai ja ab te?
Ara cuit qu'en morrai
del dezirer quem ve
silh bela lai on jai
no maizis pres de se,
qu'eu la manei e bai
et estrenha vas me
so cors blanc, gras e le.

es d'amar nom recre
per mal ni per afan
e can Deus mi fai be,
non refut nil soan.
E can besno m'are,
sai be sofrir lo dan,
c'a las oras cove
c'om s'an entrelonhan
per melhs salhir enan.

ona domna, merce
del vostre fin aman.
Qu·eusplui per bona fe
c'anc re non amei tan.
Mas jonchas, ab col cle
vos m'autrei em coman.
E si locs s'es deve,
vos me fatz bel semblan,
que molt n'ai gran talan.

on Escuder e me
don Deus cor e talan
c'amdui n'anem truan.
Et el en men ab se
so don a plus talan,
et eu Mon Azimen.

barra

barra

Ritorna all'indice dei Troubadours

Ritorna all'indice di
A l'entrada del tens clar

Ritorna alla Home

Vai al sitemap java

Visita il settore Narrativa
barra