Bernart de Ventadorn: Per melhs cobrir lo mal pes e·l cossire

Per melhs cobrir lo mal pes e·l cossire
(Bernart de Ventadorn)

er melhs cobrir lo mal pes e·l cossire
chan e deport et ai joi e solatz!
E fatz esfortz car sai chantar ni rire,
car eu me mor e nul semblan no·n fatz!
E per Amor sui si apoderatz,
tot m'a vencut a forsa e a batalha.

nc Deus no fetz trebalha ni martire,
ses mal d'amor, qu'eu no sofris en patz!
Mas d'aquel sui, si be·m peza, sofrire,
c'Amors mi fai amar lai on li platz!
E dic vos be que s'eu no sui amatz,
ges no reman en la mia nualha.

idons sui om et amics e servire,
e no·lh en quer mais autras amistatz
mas c'a celat los seus bels olhs me vire,
que gran be·m fan ades can sui iratz!
E ren lor en laus e merces e gratz,
qu'el mon non ai amic que tan me valha.

olt me sap bo lo jorn qu'eu la remire:
la boch' e·ls olhs e·l fron e·ls mas e·ls bratz
e l'autre cors, que res no·n es a dire
que no sia belamen faissonatz.
Gensor de leis no poc faire Beltatz,
per qu'eu m'en ai gran pen'e gran trebalha.

mo talen volh mal, tan la dezire,
e pretz m'en mais, car eu fui tan auzatz
qu'en tan aut loc auzei m'amor assire,
per qu'eu m'en sui conhdes et ensenhatz.
E can la vei, sui tan fort envezatz:
veyaire m'es que·l cors al cel me salha.

ins en mo cor me corrotz e·m azire,
car eu sec tan las mias volontatz.
Mas negus om no deu aital re dire,
c'om no sap ges com s'es aventuratz.
Que farai doncs dels bels semblans privatz
falhirai lor mais volh que·l mons me falha.

b lauzengers non ai ren a devire,
car anc per lor no fo rics jois celatz.
E dic vos tan que per mon escondire
et ab mentir lor ai chamjatz los datz.
Ben es totz jois a perdre destinatz
quez es perdutz per la lor devinalha.

orona, man salutz et amistatz,
e prec midons que m'ayut e me valha.
E que·m volha, sia sens o foudatz,
no·m pot esser ni afans ni trebalha.

barra

barra

Ritorna all'indice dei Troubadours

Ritorna all'indice di
A l'entrada del tens clar

Ritorna alla Home

Vai al sitemap java

Visita il settore Narrativa
barra