Bernart de Ventadorn: Lonc tems a qu'eu no chantei mai

Lonc tems a qu'eu no chantei mai
(Bernart de Ventadorn)

onc tems a qu'eu no chantei mai
ni saubi far chaptenemen.
Ara no tem ploya ni ven,
tan sui entratz en cossire
com pogues bos motz assire
en est so c'ai apedit.
Si tot no·m vei flor ni folha,
melhs me vai c'al tems florit,
car l'amors qu'eu plus volh, me vol.

otz me desconosc, tan be·m vai!
E s'om saubes en cui m'enten,
ni auzes far mo joi parven
del melhs del mon sui jauzire
e s'eu anc fui bos sofrire,
ara m'en tenh per garit,
qu'e re no sen mal que'm dolha.
Si m'a jois pres e sazit,
no sai si·m sui aquel que sol

l mon tan bon amic non ai,
fraire ni cozi ni paren,
que, si·m vai mo joi enqueren,
qu'ins e mo cor no·l n'azire.
E s'eu m'en volh escondire,
no s'en tenha per trait.
No volh lauzengers me tolha
s'amor ni·m leve tal crit
per qu'eu me lais morir de dol.

'ab sol lo bel semblan que·m fai
can pot ni aizes lo·lh cossen,
ai tan de joi que sol no·m sen,
c'aissi·m torn e·m volv'e·m vire.
E sai be, can la remire,
c'anc om belazor no·n vit!
E no·m pot re far que·m dolha
amors, can n'ai lo chauzit
d'aitan com mars clau ni revol.

o cors a fresc, sotil e gai,
et anc no·n vi tan avinen.
Pretz e beutat, valor e sen
a plus qu'eu no vos sai dire.
Res de be no·n es a dire,
ab sol c'aya tan d'ardit
c'una noih lai o·s despolha,
me mezes, en loc aizit,
e·m fezes dels bratz latz al col.

i no·.m aizis lai on ilh jai,
si qu'eu remir son bel cors gen,
doncs, per que m'a faih de nien
ai las com mor de dezire
vol me doncs midons aucire,
car l'am o que lh'ai falhit
ara·n fassa so que·s volha
ma domna, al seu chauzit,
qu'eu no m'en planh, si tot me dol.

an l'am que re dire no·lh sai!
Mas ilh s'en prend'esgardamen,
qu'eu non ai d'alre pessamen
mas com li fos bos servire.
E s'eu sai chantar ni rire,
tot m'es per leis escharit.
Ma domna prec que m'acolha,
e pois tan m'a enriquit,
no sia qui dona, qui tol.

De cor m'a, coras se volha,
ve.us me del chantar garnit,
pois sa fin'amors m'o assol.

barra

barra

Ritorna all'indice dei Troubadours

Ritorna all'indice di
A l'entrada del tens clar

Ritorna alla Home

Vai al sitemap java

Visita il settore Narrativa
barra