Bernart de Ventadorn: Conortz, era sai eu be

Conortz, era sai eu be
(Bernart de Ventadorn)

onortz, era sai eu be
que ges de me no pensatz,
pois salutz ni amistatz
ni messatges no m'en ve.
Trop cuit que fatz lonc aten,
et er be semblans oimai
qu'eu chasse so c'autre pren,
pois no m'en ven aventura.

els Conortz, can me sove
com gen fui per vos onratz
e can era m'oblidatz,
per un pauc no·n mor desse
qu'eu eis m'o vauc enqueren
qui·m met de foudat em plai,
can eu midons sobrepren
de la mia forfaitura.

er ma colpa m'esdeve
que ja no·n sia privatz,
car vas leis no sui tornatz
per foudat que m'en rete.
Tan n'ai estat lonjamen
que de vergonha qu'eu n'ai,
non aus aver l'ardimen
que i an, s'ans no m'asegura.

lh m'encolpet de tal re
don me degra venir gratz.
Fe qu'eu dei a l'Alvernhatz,
tot o fi per bona fe.
E s'eu en amar mespren,
tort a qui colpa m'en fai,
car, qui en amor quer sen,
cel non a sen ni mezura.

an er gen servitz per me
sos fers cor, durs et iratz,
tro del tot si'adoussatz
ab bels dihz et ab merce!
Qu'eu ai be trobat legen
que gota d'aiga que chai,
fer en un loc tan soven,
tro chava la peira dura.

ui be remira ni ve
olhs e gola, fron e faz,
aissi son finas beutatz
que mais ni menhs no i cove,
cors lonc, dreih e covinen,
gen afliban, conhd'e gai.
Om no·l pot lauzar tan gen
com la saup formar Natura.

hansoneta, ar t'en vai
a Mo Frances, l'avinen,
cui pretz enans'e melhura
E digas li que be·m vai,
car de Mo Conort aten
enquera bon'aventura.

barra

barra

Ritorna all'indice dei Troubadours

Ritorna all'indice di
A l'entrada del tens clar

Ritorna alla Home

Vai al sitemap java

Visita il settore Narrativa
barra