Bernart de Ventadorn: Can par la flors jostal vert folh

Can par la flors jostal vert folh
(Bernart de Ventadorn)

an par la flors jostal vert folh
e vei lo tems clar e sere
·l doutz chans dels auzels per brohl
m'adousa lo cor e·m reve,
pos l'auzel chantan a lor for
eu, c'ai mais de joi en mo cor,
dei be chantar, pois tuih li mei jornal.
son joi e chan, qu·eu no pes de ren al.

ela del mon qued eu plus volh,
e mais l'am de cor e de fe,
au de joi mos ditz e·ls acolh
e mos precs escout e rete.
E s'om ja per ben amar mor,
eu en morrai, qu'ins en mo cor
li port amor tan fin'e natural
que tuih son faus vas me li plus leyal.

e sai la noih, can me despolh,
el lei qu'eu no dormirai re.
Lo dormir pert, car eu lo.m tolh
per vos, domna, de me sove
que lai on om a so tezor,
vol om ades tener so cor.
S'eu no vos vei, domna, don plus me cal,
negus vezers mo bel pesar no val.

an me membra com amar solh
la fausa de mala merce,
sapchatz c'a tal ira m'o colh,
per pauc vius de joi no·m recre.
Domna, per cui chan e demor,
per la bocha·m feretz al cor
d'undoutz baizar de fin'amor coral,
que·m torn en joi e·mget d'ira mortal!

omna, si no·us vezon mei olh,
be sapchatz que mos cors vos ve;
e no·us dolhatz plus qu'eu me dolh,
qu'eu sai c'om vos destrenh per me.
Mas, si·l gelos vos bat de for,
gardatz qu'el no vos bat'al cor.
Si·us fai enoi, e vos lui atretal,
e ja ab vos no gazanh be per mal!

Mo Bel Vezer gart Deus d'ir'e de mal,
s'eu sui de lonh, e de pres atretal!

barra

barra

Ritorna all'indice dei Troubadours

Ritorna all'indice di
A l'entrada del tens clar

Ritorna alla Home

Vai al sitemap java

Visita il settore Narrativa
barra