Bernart de Ventadorn: Can lo boschatges es floritz

Can lo boschatges es floritz
(Bernart de Ventadorn)

an lo boschatges es floritz
e vei lo tems renovelar
e chascus auzels quer sa par
e·l rossinhols fai chans e critz,
d'un gran joi me creis tals oblitz
que ves re mais no·m posc virar.
Noih e jorn me fai sospirar,
si·m lassa del cor la razitz.

er midons m'esjau no·jauzitz,
don m'es l'afans greus a portar,
qu'e·m perdrai per leis gazanhar,
et er li crims mout deschauzitz.
Las que farai com sui traitz,
si s'amor no·m vol autreyar
qu'eu no posc viure ses amar,
que d'amor sui engenoitz.

r sui de leis trop eissernitz
lenga, per que potz tan parlar
que de menhs me sol acuzar
si que·m sui per las dens feritz.
Que·m n'es si fer s'eu sui delitz
ja no trobara li m'ampar!
Mas ab doutz sentir d'un baizar
for'eu tost d'est mal resperitz

n greu pantais sui feblezitz
per leis cui Beutatz volc formar,
que com Natura poc triar,
del melhs es sos cors establitz:
los flancs grailes et escafitz,
sa fatz frescha com roza par,
don me pot leu mort revivar.
Dirai com no sui tan arditz.

e tal dousor sui replenitz,
can de prop la posc remirar,
c'a totz jorns vei lo meu sobrar,
Ta fort sui de s'amor techitz.
E.l freis es tals, qu'e·n sui marritz,
can la vei de me deslonhar,
que·l focs que m'en sol eschaufar,
fug, e remanh escoloritz.

o bes e·l mals sia·lh grazitz,
pos de me denha sol preyar.
Ara folei de trop gabar
et es dreihs qu'en fos desmentitz
domna, no·us pes si·lh lenga ditz
so c'anc mos cors no poc pessar.
Tatz, bocha nems potz lengueyar.
Et es t'en grans mals aramitz.

utz es lo pretz qu'es cossentitz,
car sol me denhet saludar.
Moutas merces Deus la·n ampar
del plazer me sui engrevitz!
Totz l'autre bes m'es si frezitz
que no·m valgra·n merce clamar.
Clama·l cors que no pot cessar!
Et apres m'es parlars falhitz.

omna, s'eu fos de vos auzitz
si charamen com volh mostrar,
al prim de nostr'enamorar
feiram chambis dels esperitz
azautz sens m'i fora cobitz,
c'adonc saubr'eu lo vostr'afar
e vos lo meu, tot par a par,
e foram de dos cors unitz.

i can brus sui, mal escharnitz
qu'eu no posc la pensa durar,
de tal dolor me fai pasmar,
car tan s'amistat m'esconditz
ab bel semblan sui eu traitz.
que·m val res no·m pot chastiar
mortz venh'a sel qui·m vol blasmar
qu'eu no l'am mortz e sebelitz.

Car forsatz m'en part e marritz,
leu m'auci, mas greu fui noiritz,
tal ira.m sen al cor trenchar,
car me mor e volh trespassar,
mas ses leis no serai gueritz.

barra

barra

Ritorna all'indice dei Troubadours

Ritorna all'indice di
A l'entrada del tens clar

Ritorna alla Home

Vai al sitemap java

Visita il settore Narrativa
barra