Bernart de Ventadorn: Can la verz folha s'espan

Can la verz folha s'espan
(Bernart de Ventadorn)

an la verz folha s'espan
e par flors blanch'el ramel,
per lo douz chan del auzel
se vai mos cors alegran.
Lancan ve·ls arbres florir
et au·l rossinhol chantar,
adonc deu.s ben alegrar
qui bon'amor sap chauzir.
Mas eu n'ai una chauzida
per qu'eu sui cortes e gais.

se tuih el mon garan
desoz la chapa del cel
eron en un sol tropel,
for d'una non ai talan.
Mai d'aquesta no·m cossir,
que·l jorn me fai sospirar
e la noih no posc pauzar
ni.m pren talans de dormir,
tan es grail'et eschafida,
ab cor franc e dihz verais.

'eu fos a lei destinan,
e for'eu dinz d'un chastel
que·l jorn manges un morsel,
lai viuria sens afan,
se·m don'aisso qu'eu dezir
de be far se deu penar,
car se·m ten en lonc pensar,
no posc viure ni morir.
Ar eslonh en breu ma vida,
si com ja de mort me trais.

barra

barra

Ritorna all'indice dei Troubadours

Ritorna all'indice di
A l'entrada del tens clar

Ritorna alla Home

Vai al sitemap java

Visita il settore Narrativa
barra