Bernart de Ventadorn: Bel m'es qu'eu chan en aquel mes

Bel m'es qu'eu chan en aquel mes
(Bernart de Ventadorn)

el m'es qu'eu chan en aquel mes
can flor e folha vei parer,
et au lo chan doutz pel defes
del rossinhol matin e ser.
Adoncs s'eschai qu'eu aya jauzimen
d'un joi verai en que mos cors s'aten,
car eu sai be que per amor morrai.

mors, e cals onors vos es
ni cals pros vo·n pot eschazer,
s'aucizetz celui c'avetz pres,
qu'enves vos no s'auza mover
mal vos estai car dols de me no·us pren,
c'amat aurai en perdos lonjamen
celei on ja merce no trobarai

ois vei que preyars ni merces
ni servirs no·m pot pro tener,
per amor de Deu me fezes
ma domna cal que bo saber
que gran be fai us paucs de jauzimen
a cel que trai tan gran mal com eu sen!
E s'aissi mor, requisitz li serai.

arit m'agra si m'aucizes,
c'adoncs n'agra faih son voler.
Mas eu no cre qu'ela fezes
re c'a me tornes a plazer.
Agra·n esglai e penedera s'en
ja no creirai, no m'am cubertamen,
mas cela s'en vas me per plan essai

el major tort qu'eu anc lh'agues,
vos dirai, si·us voletz, lo ver:
amara la, s'a leis plagues,
e servira·lh de mo poder.
Mas no s'eschai qu'ilh am tan paubraman!
Pero be sai c'assatz for'avinen,
que ges amors segon ricor no vai.

ran mal m'a faih ma bona fes,
que·m degra vas midons valer!
E s'eu ai falhit ni mespres
per trop amar ni per temer,
doncs, que farai ai las, chaitiu dolen
c'a totz es mai de bel aculhimen,
mas me tot sol azira e dechai.

l mon non es mas una res
per qu'eu joya pogues aver!
E d'aquela no.n aurai ges,
ni d'autra no.n posc ges voler.
Pero si ai per leis valor e sen,
e·n sui plus gai e·n tenc mo cors plus gen,
car s'ilh no fos, ja no m'en meir'en plai

Messatger, vai, e porta me corren
ma chanso lai, Mo Frances, part Mauren!
E digas li·m que breumen lo verai.

barra

barra

Ritorna all'indice dei Troubadours

Ritorna all'indice di
A l'entrada del tens clar

Ritorna alla Home

Vai al sitemap java

Visita il settore Narrativa
barra