Bernart de Ventadorn: Ab joi moi lo vers e·l comens

Ab joi moi lo vers e·l comens
(Bernart de Ventadorn)

b joi moi lo vers e·l comens,
et ab joi reman e fenis;
e sol que bona fos la fis,
bos tenh qu'er lo comensamens.
Per le bona comensansa
me ve jois et alegransa
e per so dei la bona fi grazir,
car totz bos faihz vei lauzar al fenir.

nc sa bela bocha rizens
non cuidei, baizan me trais,
car ab un doutz baizar m'aucis,
si ab autre no m'es guirens;
c'atretal m'es per semblansa
com de Pelaus la lansa,
que del seu colp non podi'om garir,
si autra vetz no s'en fezes ferir.

ela domna, ·l vostre cors gens
e·lh vostre belh olh m'an conquis,
e·l doutz esgartz e lo clars vis,
e·l vostre bels essenhamens,
que, can be m'en pren esmansa,
de beautat no·us trob egansa:
la genser etz c'om posch'el mon chauzir,
o no i vei clar dels olhs ab que·us remir.

els Vezers, senes doptansa
sai que vostre pretz enansa,
que tanz sabetz de plazers far e dir:
de vos amar no·s pot nuls om sofrir.

barra

barra

Ritorna all'indice dei Troubadours

Ritorna all'indice di
A l'entrada del tens clar

Ritorna alla Home

Vai al sitemap java

Visita il settore Narrativa
barra