Guilhelm IX: Farai chansoneta nueva

Farai chansoneta nueva
(Guilhelm IX Duca d'Aquitania, VII Conte di Poitiers)

arai chansoneta nueva
ans que vent ni gel ni plueva:
ma dona m'assaya e·m prueva
quossi de qual guiza l'am;
e ja per plag que m'en mueva
no·m solvera de son liam.

u'ans mi rent a lieys e·m liure,
qu'en sa carta·m pot escriure.
E no m'en tenguatz per yure
s'ieu ma bona dompna am,
quar senes lieys non puesc viure
tant ai pres de s'amor gran fam.

. . . . . . . . . . . . . . . . . . . .
. . . . . . . . . . . . . . . . . . . .
Per aquesta fri e tremble,
quar de tam bon'amor l'am,
qu'anc no cug qu'en nasques semble
en semblan del gran linh n'Adam.

ue plus es blanca qu'evori,
per qu'ieu autra non azori:
si·m breu non ai aiutori,
cum ma bona dompna m'am,
morrai, pel cap sanh Gregori,
si no·m bayza en cambr'o sotz ram.

ual pro·y auretz, dompna conja,
si vostr'amors mi deslonja?
Par que·us vulhatz metre monja!
E sapchatz, quar tan vos am,
tem que la dolors me ponja,
si no·m faitz dreg dels tortz q'ie·us clam.

ual pro·y auretz s'ieu m'enclostre
e no·m retenetz per vostre?
Totz lo joys del mon es nostre,
dompna, s'amduy nos amam.
Lay, al mieu amic Daurostre,
dic e man que chan e bram.

barra

barra

Ritorna all'indice dei Troubadours

Ritorna all'indice di
A l'entrada del tens clar

Ritorna alla Home

Vai al sitemap java

Visita il settore Narrativa
barra