Guilhelm IX: Companho, tant ai agutz d'avols conres

Companho, tant ai agutz d'avols conres
(Guilhelm IX Duca d'Aquitania, VII Conte di Poitiers)

ompanho, tant ai agutz d'avols conres
qu'ieu non puesc mudar no·n chan e que no·m pes;
enpero no vueill c'om sapcha mon afar de maintas res.
E dirai vos m'entendensa de que es:
no m'azauta cons gardatz ni gorcs ses peis,
ni gabars de malvatz homes com de lor faitz non agues.

enher Dieus, quez es del mon capdels e reis,
qui anc premiers gardet con, com non esteis?
C'anc no fo mestiers ni garda c'a si dons estes sordeis.
Pero dirai vos de con cals es sa leis,
com sel hom que mal n'a fait e peitz n'a pres:
si queg'autra res en merma, qui·n pana, e cons en creis.

sel qui no volra·n creire mos casteis,
an ho vezer pres lo bosc en un deveis:
per un albre c'o, hi tailla n'i naison ho dos ho treis.
E quan lo bocx es taillatz, nais plus espes
e·l senher no·n pert son comte ni sos ses:
a revers planh hom la tala, si·l dampn atges no·i es ges.
Tortz es c'om planha la tala, si negun dan no·i a ges.

barra

barra

Ritorna all'indice dei Troubadours

Ritorna all'indice di
A l'entrada del tens clar

Ritorna alla Home

Vai al sitemap java

Visita il settore Narrativa
barra