Guilhelm IX: Ben vuelh que sapchon li pluzor

Ben vuelh que sapchon li pluzor
(Guilhelm IX Duca d'Aquitania, VII Conte di Poitiers)

en vuelh que sapchon li pluzor
d'est vers si·s de bona color
qu'ieu ai trag de mon obrador,
qu'ieu port d'ayselh mestier la flor,
et es vertatz,
e puesc en trair lo vers auctor,
quant er lassatz.

eu conosc ben sen e folhor
e conosc anta e henor
et ai ardimen e paor;
et si·m partetz un juec d'amor,
no suy tan fatz
no·n sapcha triar lo melhor
entre·ls malvatz.

eu conosc ben selh qui be·m di
e selh qui·m vol mal atressi,
e conosc ben selluy qui·m ri;
e si·ll pro s'azauton de mi,
conosc assatz
qu'atressi dey voler lor fi
e lor solatz.

a ben aya selh qui·m noyri,
que tan bo mestier m'eschari
que anc a negu non falhi,
que de jpgar sobre coyssi,
a totz tocatz,
mais ensay que nulh mo vezi,
qual que·m vejatz.

ieus en lau e sanh Jolia:
tant ai apres del juec doussa
que sobre totz n'ai bona ma,
e selh qui cosselh mi querra
non l'er vedatz
ni us de mi non tornara
descosselhatz.

u'ieu ai nom «maiestre certa»:
ja m'amigu'anueg no m'aura
que no·m vuelh'aver l'endema,
qu'ieu suy d'aquest mestier, s'o·m va,
tan ensenhatz
que be·n sai gazanhar mon pa
en totz mercatz.

ero no m'auzetz tan guabier
qu'ieu non fos rahuzatz l'autrier,
que jogav'a un joc grossier,
que·m fon trop bos el cap primier,
tro fo taulatz;
quan guardiey, no m'ac plus mestier:
si·m fon camjatz.

as elha·m dis un reprovier:
«Don, vostre datz son menudier!»
«Et jeu revit vos a doblier,
fis·m ieu: qui·m dava Monpeslier
non er laissatz!»
E leviey un pauc son taulier
ab ams mos bratz.

quan l'aic levat lo taulier,
empeys lo datz:
e·ill duy foron cairat vallier
e·l terz plombatz.
E fi·l ben ferir al taulier,
e fon joguatz.

barra

barra

Ritorna all'indice dei Troubadours

Ritorna all'indice di
A l'entrada del tens clar

Ritorna alla Home

Vai al sitemap java

Visita il settore Narrativa
barra