Comtessa Beatriz de Dia: Ab joi et ab joven m'apais

Ab joi et ab joven m'apais
(Comtessa Beatriz de Dia)

b joi et ab joven m'apais
e jois e jovens m'apaia,
car mos amics es lo plus gais
per qu'ieu sui coindet'e gaia;
e pois eu li sui veraia,
be·is taing q'el me sia verais,
c'anc de lui amar no m'estrais
ni ai cor que m'en estraia.

out mi plai car sai que val mais
sel q'ieu plus desir que m'aia,
e cel que primiers lo m'atrais
Dieu prec que gran joi l'atraia;
e qui que mal l'en retraia,
no·l creza, fors so qu'ie·l retrais:
c'om cuoill maintas vetz los balais
ab q'el mezeis se balaia.

dompna q'en bon pretz s'enten
deu ben pausar s'entendenssa
en un pro cavallier valen,
pois ill conois sa valenssa,
que l'aus amar a presenssa;
e dompna, pois am'a presen,
ja pois li pro ni·ll avinen
no·n dirant mas avinenssa.

'ieu n'ai chausit un pro e gen
per cui pretz meillur'e genssa,
larc et adreig e conoissen,
on es sens e conoissenssa;
prec li que m'aia crezenssa,
ni hom no·l puosca far crezen
q'ieu fassa vas lui faillimen,
sol non trob en lui faillensa.

loris, la vostra valenssa
saben li pro e li valen,
per q'ieu vos qier de mantenen,
si·us plai, vostra mantenensa.

barra

barra

Ritorna all'indice dei Troubadours

Ritorna all'indice di
A l'entrada del tens clar

Ritorna alla Home

Vai al sitemap java

Visita il settore Narrativa
barra