Comtessa Beatriz de Dia: Estat ai en greu cossirier

Estat ai en greu cossirier
(Comtessa Beatriz de Dia)

stat ai en greu cossisier
per un cavallier q'ai agut,
e voill sia totz temps saubut
cum eu l'ai amat a sobrier;
   ara vei q'ieusui trahida
car eu non li donei m'amor,
don ai estat en gran error
   en lieig e qand sui vestida.

en volria mon cavallier
tener un ser e mos bratz nut,
q'el s'en tengra per erebut
sol q'a lui fezes cossellier;
   car plus m'en sui abellida
no fetz Floris de Blanchaflor:
eu l'autrei mon cor e m'amor,
   mon sen, mos huoills e ma vida.

els amics, avinens e bos,
cora·us tenrai e mon poder?
E que jagues ab vos un ser
e qu·us des un bais amoros!
   Sapchatz, gran talan n'auria
qu·us tengues en luoc del marit,
ab so que m'aguessetz plevit
   de far tot so qu'eu volria.

barra

barra

Ritorna all'indice dei Troubadours

Ritorna all'indice di
A l'entrada del tens clar

Ritorna alla Home

Vai al sitemap java

Visita il settore Narrativa
barra