Pro ai del chan ensenhador
(Jaufre Rudel de Blaja) |
 | |
 ro ai del chan ensenhador
entorn mi et ensenharitz:
pratz e vergiers, albres e flors
voutas d'auzelhs e lays e critz,
per lo dous termini suau,
qu'en un petit de joy m'estau
don nulhus deportz no·m pot jauzir
tan cum solatz d'amor valen. |
|
| |  as pimpas sias als pastors
et als enfans burden petitz,
e mias sion tals amors
don ieu sia jauzens jauzitz!
Qu'ieu la sai bona tot'aitau
ves son amic en greu logau;
per so·m sen trop soen marrir
quar no n'ai so qu'al cor m'aten. |
|
uenh es lo castelhs e la tors
on elha jay e sos maritz,
e si per bos cosselhadors
cosselhan non suy enantitz
qu'autre cosselhs petit me'n vau
aitant n'ay fin talan corau
alres no·y a mais del murir,
s'alqun joy no·n ai en breumen. |
|
| |  otz los vezis apel senhors
del renh on sos joys fo noyritz;
e crey que·m sia grans honors
quar ieu dels plus envilanitz
cug que sion cortes lejau;
ves l'amor qu'ins el cor m'enclau
ai bon talant e bon albir
e say qu'ilh n'a bon escien. |
|
 ai es mos cors si totz c'alhors
non a ni sima ni raitz,
et en dormen sotz cobertors
es lai ab liels mos esperitz;
et s'amors mi revert a mau,
car ieu l'am tant e liei non cau;
tost veirai ieu si par sufrir
n'atendrai mon bon jauzimen. |
|
| |  a voluntatz se'n vay lo cors,
la nueit e'l dia esclarzitz,
laintz per talant de son cors;
mas tart mi ve e tart mi ditz:
"Amicx, fa celha, gilos brau
an comensat tal batestau
que sera greus a departir,
tro qu'abdui en siam jauzien" |
|
er so m'en creis plus ma dolors
car non ai lieis en luecs aizitz,
que tan no fau sospirs e plors
q'us sols baizars per escaritz
lo cor no·m tengues san e sau.
Bona es l'amors e molt pro vau
e d'aquest mal mi pot guerir
ses gart de metge sapien. |
