Peire Vidal: Ab l'alen tir vas me l'aire

Ab l'alen tir vas me l'aire
(Peire Vidal)

b l'alen tir vas me l'aire
qu'ieu sen venir de Proensa;
tor quant es de lai m'agensa,
si que, quan n'aug ben retraire,
ieu m'o escout en rizen
e·n deman per un mot cen:
tan m'es bel quan n'aug ben dire.

u'om no sap tan dous repaire
cum de Rozer tro c'a Vensa,
si cum clau mars e Durensa,
ni on tant fins jois s'esclaire.
Per qu'entre la franca gen
ai lassat mon cor jauzen
ab lieis que fa·ls iratz rire.

u'om no pot lo jorn mal traire
qu'aja de lieis sovinensa,
qu'en liei nais jois e comensa.
E qui qu'en sia lauzaire,
de ben qu'en diga no·i men;
que·l mielher es ses conten
e·l genser qu'el mon se mire.

s'ieu sai ren dir ni faire,
ilh n'aia·l grat, que sciensa
m'a donat e conoissensa,
per qu'ieu sui gais e chantaire.
E tot quan fauc d'avinen
ai del sieu bell cors plazen,
neis quan de bon cor consire.

barra

barra

Ritorna all'indice dei Troubadours

Ritorna all'indice di
A l'entrada del tens clar

Ritorna alla Home

Vai al sitemap java

Visita il settore Narrativa
barra