Title

Diu mukke muoz
sich sere muen

Freidank (fl. c. 1215-1233)
Diu mukke muoz sich sere muen,
wil si den ohsen uber luen.
  2
Gienge ein hunt des tages tausent stunt
ze chirchen, er ist doch ein hunt.
  4
Manich hunt wol gebaret,
der doch der leute varet.
  6
Ez dunchet mich ein tumber sin,
swer wænt den ouen obergin.
  8
Swa ich waiz den wolues zant,
da wil ich hueten meiner hant,
10
daz er mich niht verwnde,
sein beizzen swirt uon grunde.
12
Der lewe sol auch nimmer lagen,
wellent in die hasen iagen.
14
Div fliug ist, wirt der sumer heiz,
der chuonste uogel, den ich waiz.
16
Der bremen hohgezit zergat,
so der augest ende hat.
18
Die cheuern uliegen unuerdaht,
des uallet maniger in ein paht.
20
Die frœsche tuent in selben schaden,
wellent si den storchen zu huose laden;
22
di wisen chunnen wol uerstan,
waz ich tore gesprochen han.
24
Der lewe fuerhtet des mannes niht,
wan ob er in hœret und niht siht.
26
Der cheuer sich selb betriuget,
swenn er ze hohe fliuget.
28
Diu nahtegal diche muet,
swenn ein esel oder ein ohse luet.
30
Der hunt hat leder urezzen,
so man dienstes wil uergezzen.
32
Der hofwart vnd der wind
selten guote friunde sind.
34
Swer schalchait lernt in der iugent,
der hat uil selten staete tugent.
36
Man siht uil selten richez huos
ane dieb und ane muos.
38
Von reht iz auf in selben gat,
swer dem andern geit valschen rat.
40
Der esel und di nahtigal
singent ungelichen schal.
42
Swa man den esel chrœnet,
da ist daz land gehœnet.
44
Minne, schatz, groz gewin
vercherent guotes mannes sin.
46
Man minnet nu schatz mere
danne got, lyb, sel vnd ere.
48
So stæte friundin nieman hat,
er fuerihte doch ir missetat.
50
Vremede scheidet herzelieb,
stat machet manigen dieb.
52
Swer lieb hat, der wirt selten urei
vor sorgen, daz ez unstæte sei.
54
Herzelieb hat manich man,
der doch gar uerniugeret dran.
56

Back Next
barra
Sign Guestbook   Send Email   View Guestbook
barra
Ritorna all'indice dei
Carmina Burana
Ritorna all'indice generale di
A l'entrada del tens clar
Ritorna alla Home
Vai al sitemap java
Visita il settore Narrativa
barra

This page was created by Duca Lucifero, © 2005
The gothiquesque set is an artwork made by Moyra.

Logo Moyra Gothiquesque Set Logo Web Designer Duca Lucifero Give Credit Where Credit Is Due - 4.052 bytes
Don't Link Directly to Someone Else's Server - 5.605 bytes Thous Shalt Honor the Artists, Writers and Creatives of this World
  C'è chi può e chi non può...  
  What is Copyright - 4.781 bytes  

Visitors:
Accessi globali
all'intero web
dal 5 dicembre 1996

E-MAIL MESSENGER
Name:
E-mail:
Messaggio al Duca Lucifero

Spazio Web offerto da: