Title

Mir ist geschehen als einem kindeline
(Heinrich von Morungen)
  
Mir ist geschehen als einem kindeline,
daz sîn schœnez bilde in einem glase gesach
unde greif dar nâch sîn selbes schîne
sô vil, biz daz ez den spiegel gar zerbrach.
Dô wart al sîn wunne ein leitlich ungemach.
Alsô dâhte ich iemer frö ze sîne,
dô ich gesach die lieben frouwen mîne,
von der mir bî liebe leides vil geschach.
 Minne, diu der werelde ir fröide mêret,
seht, diu brâhte in troumes wîs die frouwen mîn,
dâ mîn lîp an slâfen was gekêret
und ersach sich an der besten wunne sîn.
Dô sach ich ir liehten tugende, ir werden schîn,
schœn unde uoch vür alle wîp gehêret,
niuwen daz ein lützel was versêret
ir vil fröiden rîches mündelîn.
Grôz angest hân ich des gewunnen,
daz verblîchen süle ir munt sô rôt.
Des hân ich nu niuwer klage begunnen,
sît mîn herze sich ze sülher swære bôt,
daz ich durch mîn ouge schouwe sülhe nôt
sam ein kint, daz wîsheit unversunnen
sînen schaten ersach in einem brunnen
und den minnen muoz unz an sînen tôt
 Hôher wîp von tugenden und von sinnen
die enkan der himel niender ummevân
sô die guoten, die ich vor ungewinne
fremden muoz und immer doch an ir bestân.
Owê leider, jô wânde ichs ein ende hân
ir vil wunnenclîchen werden minne.
Nû bin ich vil kôme an dem beginne.
Des ist hin mîn wunne und ouch mîn gerender wân.
Back Next
barra
Sign Guestbook   Send Email   View Guestbook
barra
Ritorna all'indice dei Minnesangers
Ritorna all'indice di
A l'entrada del tens clar
Ritorna alla Home
Vai al sitemap java
Visita il settore Narrativa
barra

This page was created by Duca Lucifero, © 1999-2005
The gothiquesque set is made by Moyra,
The original gif of initcap is a revival design
made by Adam Stein and based on Gothic characters,
used by the Cheswick Press in England mid 19th Century.

Logo Moyra Gothiquesque Set Logo Web Designer Duca Lucifero Give Credit Where Credit Is Due - 4.052 bytes
Don't Link Directly to Someone Else's Server - 5.605 bytes Thous Shalt Honor the Artists, Writers and Creatives of this World
  C'è chi può e chi non può...  
  What is Copyright - 4.781 bytes  

Visitors:
Accessi globali
all'intero web
dal 5 dicembre 1996

E-MAIL MESSENGER
Name:
E-mail:
Messaggio al Duca Lucifero

Spazio Web offerto da: