Si wunderwol gemachet wîp (Walther von der Vogelweide)     i wunderwol gemachet wîp daz mir noch werde ir habedanc! Ich setze ir minneclîchen lîp vil werde in mînen hôhen sanc. Gern ich in allen dienen sol, doch hân ich mir dise ûz erkorn. Ein ander weiz die sînen wol: die lob er âne mînen zorn. Hab ime wîs unde wort mit mir gemeine: lob ich hie, sô lob er dort.   ot hât ir wengel hôhen flîz, er streich sô tiure varwe dar, sô reine rôt, sô reine wîz, hie rœseloht, dort liljenvar. Ob ichz vor sünden tar gesagen, sô sæhe ichs iemer gerner an dan himel oder himelwagen. Owê, waz lob ich tumber man? Mach ich si mir ze hêr, vil lîhte wirt mîns mundes lop mîns herzen sêr. ie hât ein küssen, daz ist rôt: gewünne ich daz vür mînen munt, sô stüende ich ûf von dirre nôt unt wære ouch iemer mê gesunt. Swâ si daz an ir wengel legt, der wonet dâ gerne nâhen bî: ez smecket, sô manz iender regt, alsam ez vollez balsmen sî. Daz sol si lîhen mir: swie dicke sô siz wider wil, sô gibe ichz ir.   r kel, ir hende, ietweder vuoz, daz ist ze wunsche wol getân. Ob ich da enzwischen loben muoz, sô wæne ich mê beschouwet hân. Ich hete ungerne «decke blôz!» gerüefet, do ich si nacket sach. Si sach mich niht, dô si mich schôz, daz mich noch sticht als ez dô stach, swann ich der lieben stat gedenke, dâ si reine ûz einem bade trat. r houbet ist sô wünnenrîch, als ez mîn himel welle sîn. Wem solde ez anders sîn gelîch? Ez hât ouch himeleschen schîn. Dâ liuhten zwêne sternen abe. Dâ müeze ich mich noch inne ersehen, daz si mirs alsô nâhen habe! Sô mac ein wunder wol geschehen: ich junge, und tuot si daz, und wirt mir gernden siechen seneder sühte baz.

	Ritorna all'indice dei Minnesangers
	Ritorna all'indice di A l'entrada del tens clar
	Ritorna alla Home
	Vai al sitemap java
	Visita il settore Narrativa

This page was created by Duca Lucifero, © 1998-2005 The gothiquesque set is made by Moyra, The original gif of initcap is a revival design made by Adam Stein and based on Gothic characters, used by the Cheswick Press in England mid 19th Century.

Visitors: Accessi globali all'intero web dal 5 dicembre 1996

	Name: E-mail: Messaggio al Duca Lucifero