Owê, hovelîchez singen (Walther von der Vogelweide)     wê, hovelîchez singen, daz dich ungefüege dœne solten ie ze hove verdringen! Daz die schiere got gehœne! Owê daz dîn wirde alsô geliget! Des sint alle dîne friunde unfrô. Daz muoz eht alsô sîn: nû sî alsô. Frô Unfuoge, ir habt gesiget.   er uns fröide wider bræhte, diu rehte und gefüege wære, hei, wie wol man des gedæhte swâ man von im seite mære! Ez wær ein vil hovelîcher muot, des ich iemer gerne wünschen sol. Frouwen unde hêrren zæme ez wol: owê daz ez nieman tuot! ie daz rehte singen stœrent, der ist ungelîche mêre danne die ez gerne hœrent. Doch volg ich der alten lêre: ich enwil niht werben zuo der mül, dâ der stein sô riuschent umbe gât und daz rat sô mange unwîse hât. Merkent wer dâ harpfen sül.   ie sô frevellîchen schallent, der muoz ich vor zorne lachen, dazs in selben wol gevallent mit als ungefüegen sachen. Die tuont sam die frösche in eime sê, den ir schrîen sô wol behaget, daz diu nahtegal dâ von verzaget, sô si gerne sunge mê. wer ungefuege swîgen hieze, waz man noch von fröiden sunge! Und si abe den bürgen stieze, daz si dâ die frôn niht twunge. Wurden ir die grôzen höve benomen, daz wær allez nâch dem willen mîn. Bî den gebûren liez ich si wol sîn: danne ist si och her bekomen.

	Ritorna all'indice dei Minnesangers
	Ritorna all'indice di A l'entrada del tens clar
	Ritorna alla Home
	Vai al sitemap java
	Visita il settore Narrativa

This page was created by Duca Lucifero, © 1998-2005 The gothiquesque set is made by Moyra, The original gif of initcap is a revival design made by Adam Stein and based on Gothic characters, used by the Cheswick Press in England mid 19th Century.

Visitors: Accessi globali all'intero web dal 5 dicembre 1996

	Name: E-mail: Messaggio al Duca Lucifero