Title

«Nemt, frouwe, disen kranz!»
(Walther von der Vogelweide)
  
«N 
emt, frouwe, disen kranz!»
Alsô sprach ich zeiner wol getânen maget,
«sô zieret ir den tanz
mit den schœnen bluomen, als irs ûffe traget.
Het ich vil edele gesteine,
daz müeste ûf iur houbet,
obe ir mirs geloubet.
Seht mîne triuwe, daz ichz meine.
 Frouwe, ir sît sô wol getân,
daz ich iu mîn schapel gerne geben wil,
daz aller beste daz ich hân.
Wîzer unde rôter bluomen weiz ich vil:
die stênt sô verre in jener heide,
dâ si schône entsprungen
und die kleine vogele sungen,
dâ suln wir si brechen beide.»
Si nam daz ich ir bôt,
einem kinde vil gelîch daz êre hât.
Ir wangen wurden rôt
same diu rôse, dâ si bî der liljen stât.
Do erschampten sich ir liehten ougen.
Dô neic si mir schône.
Daz wart mir ze lône:
wirt mirs iht mêr, daz trage ich tougen.
 Mich dûhte daz mir nie
lieber wurde, danne mir ze muote was.
Die bluomen vielen ie
von dem boume bî uns nider an daz gras.
Seht, dô muoste ich von fröiden lachen.
Do ich sô wünneclîche
was in troume rîche,
dô taget ez und muose ich wachen.
Mir ist von ir geschehen,
daz ich disen sumer allen meiden muoz
vast under diu ougen sehen:
lîhte wirt mir einiu, so ist mir sorgen buoz.
Waz obe si gêt an disem tanze?
Frouwe, dur iur güete
rucket ûf die hüete!
Owê gesæhe ich si under kranze!
Back Next
barra
Sign Guestbook   Send Email   View Guestbook
barra
Ritorna all'indice dei Minnesangers
Ritorna all'indice di
A l'entrada del tens clar
Ritorna alla Home
Vai al sitemap java
Visita il settore Narrativa
barra

This page was created by Duca Lucifero, © 1998-2005
The gothiquesque set is made by Moyra,
The original gif of initcap is a revival design
made by Adam Stein and based on Gothic characters,
used by the Cheswick Press in England mid 19th Century.

Logo Moyra Gothiquesque Set Logo Web Designer Duca Lucifero Give Credit Where Credit Is Due - 4.052 bytes
Don't Link Directly to Someone Else's Server - 5.605 bytes Thous Shalt Honor the Artists, Writers and Creatives of this World
  C'è chi può e chi non può...  
  What is Copyright - 4.781 bytes  

Visitors:
Accessi globali
all'intero web
dal 5 dicembre 1996

E-MAIL MESSENGER
Name:
E-mail:
Messaggio al Duca Lucifero

Spazio Web offerto da: