Muget ir schouwen waz dem meien (Walther von der Vogelweide)     uget ir schouwen waz dem meien wunders ist beschert? Seht an pfaffen, seht an leien wie daz allez vert. Grôz ist sîn gewalt: ine weiz obe er zuober künne, swar er vert in sîner wünne, dân ist niemer alt.   ns wil schiere wol gelingen. Wir suln sîn gemeit, tanzen lachen unde singen, âne dörperheit. Wê wer wære unfrô? Sît die vogele alsô schône singent in ir besten dône, tuon wir ouch alsô! ol dir, meie, wie dû scheidest allez âne haz! Wie wol dû die buome kleidest und die heide baz, diu hât varwe mê. «Du bist kurzer, ich bin langer» alsô strîtent si ûf dem anger, bluomen unde klê.   ôter munt, wie dû dich swachest! Lâ dîn lachen sîn. Scham dich daz dû mich an lachest nâch dem schaden mîn. Ist daz wol getân? Owê sô verlorner stunde, sol von minneclîchem munde solch unminne ergân! az mich, frouwe, an fröiden irret, daz ist iuwer lîp. An iu iemer ez mir wirret, ungenædic wîp. Wâ nemt ir den muot? Ir sît doch genâdenrîche: tuot ir mir ungnædeclîche, sô sît ir niht guot.   cheidet, frouwe, mich von sorgen, liebet mir die zît, oder ich muoz an fröiden borgen. Daz ir sælic sît, muget ir umbe sehen? Sich fröit al diu welt gemeine: möhte mir von io ein kleine fröidelîn geschehen!

	Ritorna all'indice dei Minnesangers
	Ritorna all'indice di A l'entrada del tens clar
	Ritorna alla Home
	Vai al sitemap java
	Visita il settore Narrativa

This page was created by Duca Lucifero, © 1998-2005 The gothiquesque set is made by Moyra, The original gif of initcap is a revival design made by Adam Stein and based on Gothic characters, used by the Cheswick Press in England mid 19th Century.

Visitors: Accessi globali all'intero web dal 5 dicembre 1996

	Name: E-mail: Messaggio al Duca Lucifero