Mir hat her Gerhart Atze (Walther von der Vogelweide)     ir hat her Gerhart Atze ein pfert erschozzen zïsenache; daz klage ich dem den er bestat: derst unser beider voget. Ez was wol drier marke wert, nu hœrent fröde sache: sit daz ez an ein gelten gat, wa mit er mich nu zoget. Er seit von grozer sære, wie daz min pferit mære dem rosse sippe wære, daz im den vinger abe gebizzen hat ze schanden: ich swer mit beiden handen, daz si sich niht erkanden, ist ieman der mir stabe?   wa guoter hande wurzen sint in einem grüenen garten bekliben, die sol ein wiser man niht lazen unbehuot. Er sol si schirmen als ein kint mit ougenweide in zarten; da lit gelust des herzen an, und git ouch hohen muot. Si boese unkrut dar under, daz breche er uz besunder (lat erz, daz ist ein wunder), und merke ob sich ein dorn mit kündekeit dar breite, daz er den furden leite von siner arebeite, sist anders gar verlorn. ns irret einer hande diet: der uns die furder tæte. so möhte ein wol gezogener man ze hove haben die stat. Die lazent sin ze spruche niet, ir drüzzel derst so dræte: kund er swaz ieman guotes kan, daz hulfe niht ein blat. «Ich und ein ander tore wir dœnen in sin ore, daz nie kein münch zu kore so sere me geschrei.» Gefüeges mannes dœnen daz sol man wol beschœnen, des ungefüegen hœnen: hie get diu rede enzwei.

	Ritorna all'indice dei Minnesangers
	Ritorna all'indice di A l'entrada del tens clar
	Ritorna alla Home
	Vai al sitemap java
	Visita il settore Narrativa

This page was created by Duca Lucifero, © 1998-2005 The gothiquesque set is made by Moyra, The original gif of initcap is a revival design made by Adam Stein and based on Gothic characters, used by the Cheswick Press in England mid 19th Century.

Visitors: Accessi globali all'intero web dal 5 dicembre 1996

	Name: E-mail: Messaggio al Duca Lucifero