Lange swîgen des hât ich gedâht (Walther von der Vogelweide)     ange swîgen des hât ich gedâht. Nû wil ich singen aber als ê. Dar zuo hânt mich guote liute brâht: die mugen mir wol gebieten mê. Ich sol singen unde sagen, und swes si gern, daz sol ich tuon: sô suln si mînen kumber klagen.   œret wunder, wie mir ist geschehen von mîn selbes arebeit. Mich enwil ein wîp niht an gesehen, die brâht ich in die werdekeit, daz ir muot sô hôhe stât. Jon weiz si niht, swenn ich mîn singen lâze, daz ir lop zergât. êrre, waz si flüeche lîden sol, swenn ich nû lâze mînen sanc! Alle die nû lobent, daz weiz ich wol, die scheltent danne ân mînen danc. Tûsent herze wurden frô von ir genâden. Des si lîhte engelten, scheide ich mich von ir alsô.   ô mich dûhte daz si wære guot, wer was ir bezzer dô dann ich? Dêst ein ende. Swaz si mir getuot, des mac ouch si verwænen sich, nimet si mich von dirre nôt, ir leben hât mînes lebennes êre: stirbe ab ich, sô ist si tôt. ol ich in ir dienste werden alt, die wîle junget si niht vil. So ist mîn hâr vil lîhte alsô gestalt, dazs einen jungen danne wil. Sô helfe iu got, hêr junger man, sô rechet mich und gêt ir alten hût mit sumarlaten an.

	Ritorna all'indice dei Minnesangers
	Ritorna all'indice di A l'entrada del tens clar
	Ritorna alla Home
	Vai al sitemap java
	Visita il settore Narrativa

This page was created by Duca Lucifero, © 1998-2005 The gothiquesque set is made by Moyra, The original gif of initcap is a revival design made by Adam Stein and based on Gothic characters, used by the Cheswick Press in England mid 19th Century.

Visitors: Accessi globali all'intero web dal 5 dicembre 1996

	Name: E-mail: Messaggio al Duca Lucifero