Kan mîn frouwe süeze siuren? (Walther von der Vogelweide)     an mîn frouwe süeze siuren? Wænet si daz ich ir liep gebe umbe leit? Sol ich si dar umbe tiuren, daz si ez wider kêre an mîne unwerdekeit? Sô kund ich unrehte spehen. Wê waz sprich ich ôrenlôser ougen âne? Den diu minne blendet, wie mac der gesehen?   aget mir ieman, waz ist minne? Weiz ich des ein teil, sô wist ichs gerne mê. Der sich baz denn ich versinne, der berihte mich durch waz si tuot sô wê. Minne ist minne, tuot si wol: tuot si wê, so enheizet si niht minne. Sus enweiz ich wie si danne heizet sol. be ich rehte râten künne waz diu minne sî, sô sprechet denne «jâ!». Minne ist zweier herzen wünne: teilent sie gelîche, sost diu minne dâ. Sol abe ungeteilet sîn, sô enkans ein herze alleine niht enthalten. Owê woldest dû mir helfen, frouwe mîn!   rouwe, ich trage ein teil ze swære. Wellest dû mir helfen, sô hilf an der zît. Sî abe ich dir gar unmære, daz sprich endelîche: sô lâz ich den strît, unde wirde ein ledic man. Dû solt aber einez rehte wizzen, frouwe, daz dich lützel ieman baz geloben kan.

	Ritorna all'indice dei Minnesangers
	Ritorna all'indice di A l'entrada del tens clar
	Ritorna alla Home
	Vai al sitemap java
	Visita il settore Narrativa

This page was created by Duca Lucifero, © 1998-2005 The gothiquesque set is made by Moyra, The original gif of initcap is a revival design made by Adam Stein and based on Gothic characters, used by the Cheswick Press in England mid 19th Century.

Visitors: Accessi globali all'intero web dal 5 dicembre 1996

	Name: E-mail: Messaggio al Duca Lucifero