Ir sult sprechen willekomen (Walther von der Vogelweide)     r sult sprechen willekomen: der iu mære bringet, daz bin ich. Allez daz ir habt vernomen, da ist gar ein wint: nû frâget mich. Ich wil aber miete: wirt mîn lôn iht guot, ich sage iu lîhte daz iu sanfte tuot. Seht waz man mir êren biete.   ch wil tiuschen frouwen sagen solhiu mære daz si deste baz al der werlte suln behagen: âne grôze miete tuon ich daz. Waz wolde ich ze lône? Si sint mir ze hêr. Sô bin ich gefüege, und bite si nihtes mêr wan daz si mich grüezen schône. ch hân lande vil gesehene unde nam der besten gerne war: übel müeze mir geschehen, kunde ich ie mîn herze bringen dar, daz im wol gevallen wolde fremeder site. Nû waz hulfe mich, ob ich unrehte strite? Tiuschiu zuht gât vor in allen.   on der Elbe unz an den Rîn und her wider unz an Ungerlant mugen wol die besten sîn, die ich in der werlte hân erkant. Kan ich rehte schouwen guot gelâz unt lîp, sem mir got, sô swüere ich wol daz hie diu wîp bezzer sint danne ander frouwen. iusche man sint wol gezogen, rehte als engel sint diu wîp getân. Swer si schildet, derst betrogen: ich enkan sîn anders niht verstân. Tugent und reine minne, swer die suochen wil, der sol komen in unser lant: dâ ist wünne vil. Lange müeze ich lebe dar inne!   er ich vil gedienet hân und iemer mêre gerne dienen wil, diust von mir vil ungelân: iedoch sô tuot si leides mir sô vil. Si kan mir versêren herze und den muot. Nû vergebez ir got daz si an mir missetuot. Her nâch mac si sichs bekêren.

	Ritorna all'indice dei Minnesangers
	Ritorna all'indice di A l'entrada del tens clar
	Ritorna alla Home
	Vai al sitemap java
	Visita il settore Narrativa

This page was created by Duca Lucifero, © 1998-2005 The gothiquesque set is made by Moyra, The original gif of initcap is a revival design made by Adam Stein and based on Gothic characters, used by the Cheswick Press in England mid 19th Century.

Visitors: Accessi globali all'intero web dal 5 dicembre 1996

	Name: E-mail: Messaggio al Duca Lucifero