Herzeliebez frouwelîn (Walther von der Vogelweide)     erzeliebez frouwelîn, got gebe dir hiute und iemer guot. Kund ich baz gedenken dîn, des hete ich willeclîchen muot. Waz mac ich dir sagen mê, wan daz dir nieman holder ist? Owê, dâ von ist mir vil wê.   ie verwîzent mir daz ich sô nidere wende mînen sanc. Daz si niht versinnent sich waz liebe sî, des haben undanc! Sie getraf diu liebe nie, die nâch dem guote und nâch der schœne minnent: wê wie minnent die? î der schœne ist dicke haz: zer schœne niemen sî ze gâch. Liebe tuot dem herzen baz, der liebe gêt diu schœne nâch. Liebe machet schœne wîp: des mac diu schœne niht getuon, sine machet niemer lieben lîp.   ch vertrage als ich vertruoc und als ich iemer wil vertragen. Dû bist schœne und hâst genuoc: waz mugen si mir dâ von gesagen? Swaz si sagen, ich bin dir holt und nim dîn glesîn vingerlîn vür einer küneginne golt. âst dû triuwe und stætekeit, sô bin ich sîn ân angest gar daz mir iemer herzeleit mit dînem willen widervar. Hâst aber dû der zweier niht, so müezest dû mîn niemer werden. Owê danne, ob daz geschiht!

	Ritorna all'indice dei Minnesangers
	Ritorna all'indice di A l'entrada del tens clar
	Ritorna alla Home
	Vai al sitemap java
	Visita il settore Narrativa

This page was created by Duca Lucifero, © 1998-2005 The gothiquesque set is made by Moyra, The original gif of initcap is a revival design made by Adam Stein and based on Gothic characters, used by the Cheswick Press in England mid 19th Century.

Visitors: Accessi globali all'intero web dal 5 dicembre 1996

	Name: E-mail: Messaggio al Duca Lucifero