Nu allerêrst lebe ich mir werde (Palâstinalied) (Walther von der Vogelweide)     u allerêrst lebe ich mir werde, sit min sundic ouge siht daz here lant und ouch die erde der man vil der eren giht. Mirst geschehen des ich ie bat, ich bin komen an die stat da got mennischlichen trat.   chœniu lant rich unde here, swaz ich der noch han gesehen, so bist duz ir aller ere. Waz ist wunders hie geschehen! Daz ein magt ein kint gebar here ubr aller engel schar, was daz niht ein wunder gar? ie liez er sich reine toufen, daz der mensche reine si; do liez er sich herre verkoufen, daz wir eigen wurden fri. Anders wæren wir verlorn; wol dir, sper, kriuz unde dorn! We dir, heiden, deist dir zorn!   n diz lant hat er gesprochen einen angeslichen tac, da diu witwe wirt gerochen und der weise klagen mac und der arme den gewalt der da wirt an ime gestalt: wol im dort, der hie vergalt! risten, juden unde heiden jehent daz diz ir erbe si. Got sol uns ze rehte bescheiden durch die sine namen dri. Al diu welt diu stritet her: wir sin an der rehten ger, reht ist daz er uns gewer.

	Ritorna all'indice dei Minnesangers
	Ritorna all'indice di A l'entrada del tens clar
	Ritorna alla Home
	Vai al sitemap java
	Visita il settore Narrativa

This page was created by Duca Lucifero, © 1998-2005 The gothiquesque set is made by Moyra, The original gif of initcap is a revival design made by Adam Stein and based on Gothic characters, used by the Cheswick Press in England mid 19th Century.

Visitors: Accessi globali all'intero web dal 5 dicembre 1996

	Name: E-mail: Messaggio al Duca Lucifero