CB 141: Florent omnes arbores

Florent omnes arbores

Florent omnes arbores,
dulce canunt volucres;
revirescunt frutices:
congaudete, iuvenes! Meror abit squalidus,
Amor adit calidus!
superat velocius,
qui non amat ocius.

Virgo tu pulcherrima,
cum non sis acerrima,
verba das asperrima,
sicut sis deterrima Viribus infirmior
ab Amore ferior,
vulnera experior;
si non sanas, morior.

«Quid tu captas, iuvenis?
Queris que non invenls.
. . . . . . . . . . . . . . . . . . .
. . . . . . . . . . . . . . . . . . . Mecum queris ludere:
nulli me coniungere,
cum Phenice complice
vitam volo ducere».

Sed amor durus est,
ferus est,
fortis est.
Qui nos vincit iuvenes,
vincat et iuvenculas
ultra modum rigidas! «Video dictis his,
quid tu vis,
quid tu sis,
quod amare bene scis:
et amari valeo,
et iam intus ardeo».

barra

barra

Ritorna all'indice dei
Carmina Burana

Ritorna all'indice generale di
A l'entrada del tens clar

Ritorna alla Home

Vai al sitemap java

Visita il settore Narrativa
barra