CB 088a: Iove cum Mercurio

Iove cum Mercurio
(ca. 1130)

love cum Mercurio Geminos tenente
et a Libra Venere Martem expellente
virgo nostra nascitur, Tauro tunc latente.
Natus ergo pariter sub eisdem signis,
pari par coniunctus sum legibus benignis:
paribus est ignibus par accensus ignis.
Solus solam diligo, sic me sola solum,
nec est, cui liceat immiscere dolum;
non in vanum variant signa nostra polum.
Obicit «ab alio» forsitan «amatur»,
ut, quod «solus» dixerim, ita refellatur;
sed ut dictum maneat, sic determinatur.
Est hoc verbum «diligo» verbum transitivum,
nec est, per quod transeat, nisi per passivum;
ergo, cum nil patitur, nil valet activum.
Qui vult scire diem hanc: hec est Maio dena,
in qua virgo passa est; o quam dulcis pena!
his ad presens pultibus gaudeat hec cena!

barra

barra

Ritorna all'indice dei
Carmina Burana

Ritorna all'indice generale di
A l'entrada del tens clar

Ritorna alla Home

Vai al sitemap java

Visita il settore Narrativa
barra