|
Dum prius inculta
Petrus Blesensis o Pietro di Blois (ca. 1135 - ca. 1204)
| |
Dum prius inculta coleret virgulta estas iam adulta, hieme sepulta, vidi viridi Phyllidem sub tilia, vidi Phyllidi quevis arridentia. Invideo, dum video. Sic capi cogit sedulus me laqueo virgineo cordis venator oculus. Visa captus virgine. | |
|
| Ha morior! sed quavis dulcedine mors dulcior. Sic amanti vivitur, dum sic amans moritur. |
|
Fronte explicata exiit in prata, ceu Dione nata, Veneris legata. Videns invidens huc spe duce rapior. Ridens residens residenti blandior. Sed tremula virguncula frondis in modum tremule, ut primula discipula nondum subducta ferule, tremit ad blanditias. | |
|
| Ha morior! sed . . . . . . . . . . . . -ias mors dulcior. Sic amanti vivitur, dum sic amans moritur. |
|
Respondendi metus trahit hanc ad fletus. Sed raptura letus Amor indiscretus meam in eam, ut pudoris tangere queam lineam, manum mittit propere. Dum propero, vim infero posti minante machina; nec supero, nam aspero defendens ungue limina obserat introitus. | |
|
| Ha morior! sed hec michi penitus mors dulcior. Sic amanti vivitur, dum sic amans moritur. |
|
Tantalus admotum non amitto potum; sed ne tamen totum frustret illa votum, suo denuo iungens collo brachium ruo diruo tricaturas crurium. Ut virginem devirginem, me toti totum insero; ut cardinem determinem, duellum istud refero: sic in castris milito. | |
|
| Ha morior! sed, , , , , , , , , , , , -ito mors dulcior. Sic amanti vivitur, dum sic amans moritur. |
|
|
|
Ritorna all'indice dei Carmina Burana |
|
|
Ritorna all'indice generale di A l'entrada del tens clar |
|
|
Ritorna alla Home |
|
|
Vai al sitemap java |
|
|
Visita il settore Narrativa |
|
|
This page was created by Duca Lucifero, © 1999-2005
The gothiquesque set is an artwork made by Moyra. |
|
Visitors:
Accessi globali all'intero web dal 5 dicembre 1996
|
Spazio Web offerto da:
|