Estivali gaudio       Estivali gaudio tellus renovatur, militandi studio Venus excitatur. gaudet chorus iuvenum, dum turba frequens avium garritu modulatur.     Refrain: Quanta sunt gaudia amanti et amato, sine fellis macula dilecte sociato! iam revernant omnia nobis delectabilia, hiems eradicatur.   Ornantur prata floribus varii coloris, quorum delectatio causa fit amoris. gaudet chorus iuvenum, dum turba frequens avium garritu modulatur.     Refrain: Quanta sunt gaudia amanti et amato, sine fellis macula dilecte sociato! iam revernant omnia nobis delectabilia, hiems eradicatur.   In calore vivido nunc reformantur omnia, hiemali tedio que viluere languida. tellus ferens gramina decoratur floribus, et vestiuntur nemora frondosis arboribus.     Refrain: Quanta sunt gaudia amanti et amato, sine fellis macula dilecte sociato! iam revernant omnia nobis delectabilia, hiems eradicatur.   Amorum officiis hec arrident tempora, geminatis sociis restaurantur federa festa colit Veneris puellaris curia, propinat Amor teneris amaris miscens dulcia.     Refrain: Quanta sunt gaudia amanti et amato, sine fellis macula dilecte sociato! iam revernant omnia nobis delectabilia, hiems eradicatur.

	Ritorna all'indice dei Carmina Burana
	Ritorna all'indice generale di A l'entrada del tens clar
	Ritorna alla Home
	Vai al sitemap java
	Visita il settore Narrativa

This page was created by Duca Lucifero, © 1999-2005 The gothiquesque set is an artwork made by Moyra.

Visitors: Accessi globali all'intero web dal 5 dicembre 1996

	Name: E-mail: Messaggio al Duca Lucifero