| |
Grates ago Veneri
Petrus Blesensis o Pietro di Blois (ca. 1135 - ca. 1204)
| | | |
Grates ago Veneri,
 que prosperi
michi risus numine
de virgine
mea gratum
et optatum
contulit tropheum. |
|
Dudum militaveram,
nec poteram
hoc frui stipendio;
nunc sentio
me beari,
serenari
vultum Dioneum. |
| |
Visu, colloquio,
contactu, basio
frui virgo dederat;
sed aberat
linea posterior
et melior
amori.
quam nisi transiero,
de cetero
sunt, que dantur alia,
materia
furori. |
|
Ad metam propero.
sed fletu tenero
mea me sollicitat,
dum dutbitat
solvere virguncula
repagula
pudoris.
flentis bibo lacrimas
dulcissimas;
sic me plus inebrio,
plus haurio
fervoris. |
| |
Delibuta lacrimis
oscula plus sapiunt,
blandimentis intimis
mentem plus alliciunt.
ergo magis capior,
et acrior
vis flamme recalescit.
sed dolor Coronidis
se tumidis
exerit singultibus
nec precibus
mitescit. |
|
Preces addo precibus
basiaque basus;
fletus illa fletibus,
iurgia conviciis,
meque cernit oculo
nunc emulo,
nunc quasi supplicanti;
nam nunc lite dimicat,
nunc supplicat;
dumque prece blandior,
fit surdior
precanti. |
| |
Vim nimis audax infero.
hec ungue sevit aspero,
comas vellit,
vim repellit
strenua,
sese plicat
et intricat
genua,
ne ianua
pudoris resolvatur. |
|
Sed tandem ultra milito,
triumphum do proposito.
per amplexus
firmo nexus,
brachia
eius ligo,
pressa figo
basia;
sic regia
Diones reseratur. |
| |
Res utrique placuit,
et me minus arguit
mitior amasia,
dans basia
mellita.
| |
Et subridens tremulis
semiclausis oculis,
veluti sub anxio
suspirio
sopita. |
|
|
 |
Ritorna all'indice dei
Carmina Burana |
|
|
Ritorna all'indice generale di
A l'entrada del tens clar |
|
|
Ritorna alla Home |
|
|
Vai al sitemap java |
|
|
Visita il settore Narrativa |
|
|
This page was created by Duca Lucifero, © 1999-2005
The gothiquesque set is an artwork made by Moyra. |
|
Visitors:
Accessi globali
all'intero web
dal 5 dicembre 1996
|
Spazio Web offerto da:
|
