In huius mundi patria (ca. 1120)       n huius mundi patria regnat idolatria; ubique sunt venalia dona spiritalia. Custodes sunt raptores atque lupi pastores, principes et reges subverterunt leges. Hac incerta domo insanit omnis homo. Sed ista cum vento transibunt in momento.     ia placet lipposa, sed Rachel flet formosa, que diu manens sterilis. Ob immanitatem sceleris generat anicilla; nam Raab ancilla navem mundi mersit, discordia dispersit mortis seminaria, et mundi luminaria luminant obscure; pauci vivunt secure.   octores apostolici et iudices katholici quidam colunt Albinum et diligunt Rufinum, cessant iudicare et student devorare gregem sibi commissum; hic cadunt in abyssum. Si cecus ducit cecum, in fossam cadit secum. Hic tales subsannantur et infra castra cremantur.     piscopi cornuti conticuere muti; ad predam sunt parati et indecenter coronati pro virga ferunt lanceam, pro infula galeam, clipeum pro stola — hec mortis erit mola —, Ioricam pro alba — hec occasio calva —, pellem pro humerali pro ritu seculari.   icut fortes incedunt et a Deo discedunt, ut leones feroces et ut aquile veloces, ut apri frendentes exacuere dentes, linguas ut serpentes pugnare non valentes, mundo consentientes et tempus redimentes, quia dies sunt mali, iure imperiali.     rincipes et abbates ceterique vates, ceteri doctores . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . iura deposuerunt, canones ac decreta. Sicut scripsit propheta, Deum exacerbaverunt et Sanctum Israel blasphemaverunt.   onachi sunt nigri et in regula sunt pigri, bene cucullati et male coronati. Quidam sunt cani et sensibus profani. Quidam sunt fratres et verentur ut patres. Dicuntur Norpertini et non Augustini. In cano vestimento novo gaudent invento.

	Ritorna all'indice dei Carmina Burana
	Ritorna all'indice generale di A l'entrada del tens clar
	Ritorna alla Home
	Vai al sitemap java
	Visita il settore Narrativa

This page was created by Duca Lucifero, © 1999-2005 The gothiquesque set is an artwork made by Moyra The original gif of initcap Sforza was made by Adam Stein.

Visitors: Accessi globali all'intero web dal 5 dicembre 1996

	Name: E-mail: Messaggio al Duca Lucifero