In Gedeonis Area (ca. 1187/88)       n Gedeonis area vellus aret extentum, et demolitur tinea regale vestimentum, superhabundat palea, que sepelit frumentum, et loquitur iumentum, nec redit bos ad horrea, sed sequitur carpentum.     xit rumor discriminis de Grandimontis cella, que tam sancte dulcedinis late fundebat mella; preposteratur ordinis plantatio novella, dum movet in se bella, bases in summo culminis ponens, non capitella.   uod sanctum sacerdotium, quod unctio regalis se curvet ad imperium et vocem subiugalis, humanum est mysterium et furor laicalis. favor tamen venalis, qui non intrant per ostium, fovet eos sub alis.     lausa quondam religio vel otium secretum nunc subiacet obbrobrio per vulgus indiscretum, quod tali tirocinio non erat assuetum; et, quod format, decretum non legis patrocinio nec litteris est fretum.   ub brevi doctus tempore stultus dum incappatur, pleno prophetat pectore, ructans interpretatur et disputat cum rhetore, qui tacet et miratur, quod vir iustus tollatur et assumptus de stercore sententias loquatur.     e, ve, qui regis filiam das in manu lenonis! ve, qui profanas gloriam tante devotionis, qui cellam pigmentariam et opus Salomonis fraude rapis predonis, si certius inspiciam ad rem condicionis!

	Ritorna all'indice dei Carmina Burana
	Ritorna all'indice generale di A l'entrada del tens clar
	Ritorna alla Home
	Vai al sitemap java
	Visita il settore Narrativa

This page was created by Duca Lucifero, © 1999-2005 The gothiquesque set is an artwork made by Moyra The original gif of initcap Sforza was made by Adam Stein.

Visitors: Accessi globali all'intero web dal 5 dicembre 1996

	Name: E-mail: Messaggio al Duca Lucifero