| |
Ad cor tuus revertere
(De correctione hominum)
Philippus Cancellarius o Philippe le Chancelier (ca. 1165 - 1236)
Ad cor tuum revertere,
condicionis misere
homo! cur spernis vivere?
cur dedicas te vitiis?
cur indulges malitiis!
cur excessus non corrigis
nec gressus tuos dirigis
in semitis justitie,
sed contra te cotidie
iram Dei exasperas?
in te succidi metue
radices ficus fatue,
cum fructus nullos afferas! |
|
| |
| | O condicio misera!
considera,
quam aspera
sit hec vita, mors altera,
que sic immutat statum!
cur non purgas reatum
sine mora,
cum sit hora
tibi mortis incognita!
et invita
cantas, que non proficit,
prorsus aret et deficit
nec efficit
beatum. |
| |
Si vocatus ad nuptias
advenias
sine veste nuptiali,
a curia regali
expelleris,
et obviam si veneris
sponso lampade vacua,
es quasi virgo fatua.
Ergo vide, ne dormias,
sed vigilans aperias
Domino, cum pulsaverit!
beatus, quem invenerit
vigilantem, cum venerit! |
|
|
|
 |
Ritorna all'indice dei
Carmina Burana |
|
|
Ritorna all'indice generale di
A l'entrada del tens clar |
|
|
Ritorna alla Home |
|
|
Vai al sitemap java |
|
|
Visita il settore Narrativa |
|
|
This page was created by Duca Lucifero, © 1999-2005
The gothiquesque set is an artwork made by Moyra. |
|
Visitors:
Accessi globali
all'intero web
dal 5 dicembre 1996
|
Spazio Web offerto da:
|
