Veritas veritatum Philippus Cancellarius o Philippe le Chancelier (ca. 1165 - 1236) eritas veritatum, via, vita, veritas, per veritatis semitas eliminans peccatum! Te verbum incarnatum clamant fides, spes, caritas, tu prime pacis statum reformas post reatum, tu post carnis delicias das gratias, ut facias beatum. O quam mira potentia, quam regia vox principis, cum egrotanti precipis: «Surge, tolle grabatum!»     mnia sub peccato clausit Ade meritum; dum pronior in vetitum non paruit mandato, de statu tam beato nos dedit in interitum; de morsu venenato fel inhesit palato per hoc culpe dispendium in vitium nascentium translato. Mortis amare poculum in seculum transfunditur, nil cui dulce bibitur de vase vitiato.   piritus veritatis, spiritus consilii modo penam supplicii non reddit pro peccatis ut timor castitatis, quo revertentur filii, castiget in prelatis fermentum vetustatis. sed quando sponsus veniet, inveniet, quid faciet ingratis. Non huic penam abstulit, cui distulit, sed animam nunc impinguat ad victimam adeps iniquitatis.     arditas prelatorum iudicem exasperat; sed his qui solus reserat medullas animorum, a fructibus eorum novit eos et tolerat, quos extra viam morum fert impetus errorum, sed «Ecce» clamat «venio cum gladio flagitio malorum!» et cum purgabit aream, tunc paleam abiciet: sic erit, quando veniet ille Sanctus Sanctorum.   ecidit in preclaris hominum funiculus; sed nostre mentis oculus per vias huius maris ad vie singularis metam contendit sedulus. sed luxus secularis per ministros altaris nunc solis vacat opibus patientibus hiatibus avaris. Sic per prelatos mammone more anime concipitur, dum cunctis male vivitur ad formam exemplaris.

	Ritorna all'indice dei Carmina Burana
	Ritorna all'indice generale di A l'entrada del tens clar
	Ritorna alla Home
	Vai al sitemap java
	Visita il settore Narrativa

This page was created by Duca Lucifero, © 1999-2005 The gothiquesque set is an artwork made by Moyra. The original gif of initcap Sforza was made by Adam Stein.

Visitors: Accessi globali all'intero web dal 5 dicembre 1996

	Name: E-mail: Messaggio al Duca Lucifero