Celum, non animum elum, non animum mutat stabilitas, firmans id optimum, quod mentis firmitas vovet — cum animi tamen iudicio; nam si turpissimi voti consilio vis scelus imprimi facto nefario, debet hec perimi facta promissio.     on erat stabilis gradus, qui cecidit, pes eius labilis domus, que occidit. Hinc tu considera, quid agi censeas, dum res est libera; sic sta, ne iaceas; prius delibera, quod factum subeas, ne die postera sero peniteas.   acti dimidium habet, qui ceperit, ceptum negotium si non omiserit, non tantum deditus circa principia, nedum sollicitus pro finis gloria; nam rerum exitus librat industria, subit introitus preceps incuria.     oronat militem finis, non prelium; dat hoc ancipitem metam, is bravium; iste quod tribuit, dictat stabilitas; istud quod metuit, inducit levitas; nam palmam annuit mentis integritas, quam dari respuit vaga mobilitas.   utat cum Proteo figuram levitas, assumit ideo formas incognitas; vultum constantia conservans intimum, alpha principia et o novissimum flectens fit media, dans finem optimum, mutans in varia celum, non animum.

	Ritorna all'indice dei Carmina Burana
	Ritorna all'indice generale di A l'entrada del tens clar
	Ritorna alla Home
	Vai al sitemap java
	Visita il settore Narrativa

This page was created by Duca Lucifero, © 1999-2005 The gothiquesque set is an artwork made by Moyra The original gif of initcap Sforza was made by Adam Stein.

Visitors: Accessi globali all'intero web dal 5 dicembre 1996

	Name: E-mail: Messaggio al Duca Lucifero