|
Walter di Châtillon
(1135 - 1204)
Eliconis rivulo modice respersus
Eliconis rivulo modice respersus vereor, ne pondere sim verborum mersus; set quoniam scriptitat mundus universus, incipe Menalios mecum, mea tibia, versus. |
4 |
[Verg. Ecl. 8,21] |   |
|
Accusator criminum iudexque sedebo omnium, que video fieri sub Phebo; vitiosus siquidem vitia delebo, munus et officium nil scribens ipse docebo. |
8 |
[Hor. Ars 306] |   |
|
Dicta fuit aurea vita proavorum, quando nec simonia vendicabat chorum nec regnabant scismata, set vi modernorum effodiuntur opes irritamenta malorum. |
12 |
[Ov. Met. 1,140] |   |
|
Ecce papas geminos instruxere reges, set cui adhereas, nescis, vel quem neges; utrobique pullulat vitiorum seges, amissae pereunt nullo discrimine leges. |
16 |
[Lucan. 3,119-20] |   |
|
Fortassis ecclesia non hunc iure repulit, non hunc iure cathedra dignitatis extulit, nam sepe, cum ratio male sibi consulit, pro vitio virtus crimina sepe tulit. |
20 |
[Ov. Rem. 324] |   |
|
A Christo neuter est forsitan electus, neuter michi sufficit, uterque suspectus; nescio, quis horum sit obliquus vel rectus, in diversa trahunt unum duo nomina pcctus. |
24 |
[Ov. Met. 8,464] |   |
|
Suam Christus vineam amodo non fodit, illam vorat ambitus, illam scisma rodit; sponsa Christi coniugis iussa non custodit, sepe etenim mulier, quem coniunx diligit, odit. |
28 |
[Cato 1,8,2] |   |
|
Sponsa dicit aput se: «Heu, quam diu teror! quo me rapit impetus scismatis, quo feror? Sponsum, per quem meus hic relevetur meror, ultra promissum tempus abesse queror. |
32 |
[Ov. Her. 2,2] |   |
|
Hinc me Rhenus opprimit, hinc Francorum chori, dubito, cui debeam cedere favori; veniat mors, veniat terminus merori: impia quid dubitas De<ianira> mori? |
36 |
[Ov. Her. 9,146] |   |
|
Si verum subtilius libet intueri, iam defecit dignitas et libertas cleri; Roma prorsus cecidit in eclipsim veri et, si non cecidit, potuit cecidisse uideri. |
40 |
[Ov. Met. 2,322] |   |
|
Non erat a Cesare Papa statuendus, set secundum canones erat eligendus, nam qui sic eligitur, hic est reverendus, hic tibi precipue sit pura mente colendus. |
44 |
[Cato 1,1,2] |   |
|
Illi, per quos hereses scismataque vici quondam, michi facti sunt nuper inimici; que cecidi, stabilis non debedam dici: quid me felicem totiens iactastis, amici? |
48 |
[Boeth. Cons. metr. 1,22] |   |
|
Meae gens antiquitus dici Nazarea, id est sancta, potuit, set nunc Pharisea; unam duas faciunt, et cum non sim rea, prelati partiti sunt vestimenta mea. |
52 |
[Ioh. 19,23] |   |
|
Iam casura videor, quia tota nuto; mea propugnacula muri carent scuto; aurum meum scoria, vilius est luto, et princeps provincie facta sub tributo. |
56 |
[Ier. Lam. 1,1] |   |
|
Set ne vos detineam turbine sermonum: caput mundi corruit, non habet patronum; ubinam est hodie virtus Scipionum Marcellusque loquax et nomina vana Catonum? |
60 |
[Lucan. 1,313] |   |
|
Veni, coniunx optime, nam hinc turba Rheni. illinc me cum Gallicis lacerant Rutheni; veni, ne tardaveris, et lugentes leni, nil mihi rescribas, attamen Ipse veni! |
64 |
[Ov. Her. 1,2] |   |
|
Me desertam creditis forsitan ex toto, set sponsum ad nuptias hoste iam remoto aspiciens a longe venientem noto». Sic ait et longo consumit gaudia voto. |
68 |
[Stat. Theb. 1,323] |   |
|
|
|
Nota: Ogni strofa termina con un quarto verso costituito da una citazione classica, evidenziata in colore celeste, i cui estremi sono indicati tra parentesi quadre. |
|
|
|
Ritorna all'indice dei Carmina Burana |
|
|
Ritorna all'indice generale di A l'entrada del tens clar |
|
|
Ritorna alla Home |
|
|
Vai al sitemap java |
|
|
Visita il settore Narrativa |
|
|
This page was created by Duca Lucifero, © 1999-2005 The gothiquesque set is made by Moyra. |
|
Visitors:
Accessi globali all'intero web dal 5 dicembre 1996
|
Spazio Web offerto da:
|